VENI, SANCTE SPIRITUS

Veni, Sancte Spiritus,
Et emitte coelitus
Lucis tuae rádium:
Veni, Pater páuperum,
Veni, Dator múnerum,
Veni, Lumen córdium.
Consolátor óptime,
Dulcis hospes ánimae,
Dulce refrigérium.
In labóre réquies,
In aestu tempéries,
In fletu solátium.
O lux beatissima,
Reple cordis intima
Tuótum fidélium.
Sine tuo númine,
Nihil est in hómine,
Nihil est innóxium.
Lava quod est sórdium:
Riga quod est áridum.
Sana quod est sáucium.
Flecte quod est rigidum:
Fove quod est frigidum:
Rege quod est dévium.
Da tuis fidélibus
In te confidéntibus
Sacrum septenárium.
Da virtútis méritum:
Da salútis éxitum:
Da perénne gáudium.
Amen